မြင်းခြံ ကိုးဆောင်မူ မဟာပရိတ်တော်ကြီး
နိဿယသစ်
မေတ္တသုတ် ပါဠိ+နိဿယ
၁။ ယဿာနုဘာဝတော ယက္ခာ
နေဝ ဒေဿန္တိ ဘီသနံ၊
ယဉှိ စေဝါ နုယုဉ္ဇန္တော
ရတ္တိန္ဒိဝ မတန္ဒိတော။
၂။ သုခံ သုပတိ သုတ္တော စ
ပါပံ ကိဉ္စိ နပဿတိ၊
ဧဝမာဒိ ဂုဏူပေတံ
ပရိတ္တံ တံ ဘဏာမ ဟေ။
" မေတ္တသုတ် အမွှန်း "
ယဿ အကြင်လူနတ်အများ
တရားကျင့်ထုံး
နှလုံးထဲသို ချစ်ကြည်ညိုစိမ့်
သျှိုဂါထာစစ်
ရွှေနှုတ်တော်လှစ်အပ်သော
မေတ္တသုတ် ပရိတ်တော်၏
အာနုဘာဝတော တန်ခိုးရှိန်စော်
အာနုဘော်ကြောင့်
ယက္ခာ မြေ၌လွှမ်းမိုး
ဘုမ္မစိုးဟူ ဂုဏ်တန်ခိုးထူး
နတ်ဘီလူးတို့သည်
ဘိံသနံ ရူပသဒ္ဒ စသည်ဖုံဖုံ
ကြောက်မက်ဖွယ်သောအာရုံကို
နေဝဒဿေန္တိ မပြဝံ့ကြကုန်။
ယမှိစေဝ အကြင်မေတ္တသုတ်
ရွှေနှုတ်မြွက်ဖေါ်
ပရိတ်တော်ကိုသာလျှင်
အတန္ဒိတော မပျင်းမရိ
လုံ့လရှိသည်ဖြစ်၍
ရတ္တိံ စ ညဥ့်၌လည်းကောင်း
ဒိဝါ စ နေ့၌လည်းကောင်း
အနုယုဉ္စန္တော အကြိမ်ကြိမ် အဖန်ဖန်
ရွတ်အံသရဇ္ဈာယ်လျှက်
သုတ္တော အိပ်သောသူသည်
သုခံ မပင်မပန်း
ချမ်းချမ်းသာသာ သုပတိ အိပ်ရ၏။
ကိဉ္စိ တစ်စုံတစ်ခုသော
ပါပံ ယုတ်မာဆိုးတောင်း
မကောင်းသောအိပ်မက်ကို
နပဿတိ မမြင်မက်။
ဧဝမာဒိဂုဏူပေတံ
ဤသို့စသော ဝိသေသကျေးဇူး
ဂုဏ်အထူးနှင့်ပြည့်စုံသော
တံ ပရိတ္တံ ထို မေတ္တသုတ်
ရွှေနှုတ်မြွက်ဖေါ် ပရိတ်တော်ကို
ဟေ သီတင်းသုံးဘက် သမဂ္ဂပေါင်း
သူတော်ကောင်းတို့ မယံ ငါတို့သည်
ဘဏာမ သဒ္ဒါမပျက် အနက်မမှား
မြတ်တရားကို ထပ်ပွားအာရုံ
ရွတ်ဖတ်သရဇ္ဈယ်ကြပါကုန်စို့။
၃။ ကရဏီယ မတ္ထကုသလေန
ယန္တသန္တံ ပဒံ အဘိသမေစ္စ၊
သက္ကော ဥဇူ စ သုဟုဇူ စ
သုဝစော စဿ မုဒု အနတိမာနိ။
၄။ သန္တုဿကောစ သုဘရောစ
အပ္ပကိစ္စောစ သလ္လဟုကဝုတ္တိ၊
သန္တိန္ဒြိယောစ နိပကောစ
အပ္ပဂဗ္ဘော ကုလေသွ န နုဂိဒ္ဓေါ။
မေတ္တာရှေ့သွား အကျင့် ၁၅ ပါး
ဆောင်ရန် အကျင့် ( ၁၄ ) ပါး
သန္တံ ပြုပြင်ခြင်းကင်းသဖြင့်
အချင်းခပ်သိမ်း ငြိမ်းအေးစွာထသော
ယံပဒံ အကြင် အသင်္ခတဓါတ်
နိဗ္ဗာန်မြတ်သည် အတ္ထိ ရှိပေ၏။
တံပဒံ ထို အသင်္ခတဓါတ် နိဗ္ဗာန်မြတ်ကို
အဘိသမေစ္စ လေးသစ္စာကို
လှစ်ကာထွင်းဖေါက်
သိမြင်သောအားဖြင့်ကပ်ရောက်၍
ဝိဟာရတုကာမေန နှစ်သက်ရွှင်လန်း
ဝမ်းမြောက်ကြည်ညို နေထိုင်လိုသော
အတ္ထကုသလေန ပစ္စုပ္ပန် သံသရာ
ကျိုးနှစ်ဖြာ၌ လိမ္မာသောအမျိုးသားသည်
ကရဏီယံ တစ်ဆယ့်ငါးပါး
ဆိုလတ္တံ့သောတရားကို
လေးစားသမှု အားထုတ်ကျင့်ကြံခြင်း
ပြုအပ်ပေ၏။
( ၁ ) သက္ကော စ လေးသစ္စာကို လှစ်ခါသိရန်
မြဲမြံကြံ့ခိုင် ကျင့်စွမ်းနိုင်သည်လည်း
အဿ ဖြစ်ရာ၏။
( ၂ ) ဥဇူစ ကိုယ်လည်းအဟုတ်
နှုတ်လည်းမမှား မျိုးမပြားဘဲ
ရိုးသားဖြောင့်မတ်သည်လည်း
အဿ ဖြစ်ရာ၏။
( ၃ ) သုဟုဇူစ ကွေ့ကောက်လိမ်လည်
တစ်ဆံခြည်မျှ ကြံစည်စိတ်မစောဘဲ
သဘောမနောရိုးမတ်သည်လည်း
အဿ ဖြစ်ရာ၏။
( ၄ ) သုဝစော စ ပညာရှိများ
ဆိုဆုံးမစကားကို
မရှားမပယ် နာယူလွယ်သည်လည်း
အဿ ဖြစ်ရာ၏။
( ၅ ) မုဒု စ ရွှေဇမ္ဗူရာဇ် မြူညစ်စင်သန့်
အမှု၌ခံ့သကဲ့သို့ နုညံ့သိမ်မွေ့သော ကိုယ်နှုတ်
နှလုံး ရှိသည်လည်း အဿ ဖြစ်ရာ၏။
( ၆ ) အနတိမာနီ စ ဇာတိဂေါတ္တ
စသည်ဂုဏ်ရောင် မှန်ကင်းထောင်သကဲ့သို့
အခေါင်ပင့်မြှောက် မမြင့်မောက်ဘဲ
အောက်ကျ နောက်ကျ
မာန်ကို နှိမ့်ချသည်လည်း
အဿ ဖြစ်ရာ၏။
( ၇ ) သန္တုဿကော စ ယထာလာဘ
သာရုပ္ပစသဖြင့် သန္တောသနိဿရည်း
မလိပ်လည်းစေဘဲ ပစ္စည်းလေးပါး၌
ရောင့်ရဲသည်လည်း အဿ ဖြစ်ရာ၏။
( ၈ ) သုဘရော စ ကောင်းသောဆိုးသော သဘောမထား မပြောကြားဘဲ
ပေါများပြန်သည် ရှားပြန်သည်ဟု
မမြည်မဆို သူကြည်ညို၍
လှုလိုသမျှ ရသမျှနှင့်
မျှတဖွယ်ရေး အလေးအပေါ့
အပျော့အမာ အရာရာ၌
အဆာမကျယ် မွေးမြူလွယ်သည်လည်း
အဿ ဖြစ်ရာ၏။
( ၉ ) အပ္ပကိစ္စော စ နဝကမ္မ ဗာဟီရကို
ကိစ္စတစ်ခု မပြုကြရာ ကိုယ့်တွက်တာနှင့်
ပက်ပါကြုံ၍ ဆုံခါတွေ့လည်း
နေ့ရှည်ရက်များ အားပါးမထုတ်
သပိတ်ဖုတ်ခြင်း
သင်္ကန်းချုပ်ခြင်းမျှကိုသာ
အဟုတ်သီးခြား
အလုပ်ကြီးထားသောအားဖြင့်
နည်းပါးသော အမှုကိစ္စရှိသည်လည်း
အဿ ဖြစ်ရာ၏။
( ၁၀ ) သလ္လဟုကဝုတ္တိ စ
တတောထွက်ဝင် တပင်ထွက်သွား
ကျေးငှက်များတို့
စားရန် သောက်ရန် နေထိုင်ရန်ဟု
ကြံစည်ထိုထို မပိုမိုဘဲ
ကိုယ်တွင်ဆောင်ကာ အတောင်သာလျှင်
သွားလာစခန်း ပါမြဲတမ်းသို့
ရဟန်းတို့လည်း ငှက်တို့နည်းပင်
ပစ္စည်းထိုထို မပိုမိုဘဲ
ကိုယ်တွင်ပရိက္ခရာ ရှစ်ပါးသာလျှင်
သွားလာသောအား မလျော့လျားသဖြင့် ပေါ့ပါးသောအသက်မွေးခြင်း
ရှိသည်လည်း အဿ ဖြစ်ရာ၏။
( ၁၁ ) သန္တိန္ဒြိယော စ
အနိဌာရုံ ဣဋ္ဌာရုံနှင့် ကြုံလင့်ကစား
တရားနှလုံး သုံးလျက်ချိန်လျက်
ရှိန်မပျက်စေဘဲ ငြိမ်သက်သော
ဣန္ဒြေရှိသည်လည်း
အဿ ဖြစ်ရာ၏။
( ၁၂ ) နိပကော စ ကိစ္စရေးရာ အဖြာဖြာ၌ ကောင်းစွာပြီးအောင် ဆောင်ခွင့်ရွက်ခွင့်
မျှော်ခေါ်ချင့်နိုင်သည့်
ရင့်ကျက်သော ပညာရှိသည်လည်း
အဿ ဖြစ်ရာ၏။
( ၁၃ ) အပ္ပဂဗ္ဗော စ
ကိုယ် မကြမ်းကြုတ်
နှုတ်မကြမ်းခက်
စိတ်မမျက်သည်လည်း
အဿ ဖြစ်ရာ၏။
( ၁၄ ) ကုလေသု ကြည်ညိုသဒ္ဓါ
ဆည်းကပ်လာသော
ဒါယကာ အမျိုးတို့၌
အနနုဂိဒ္ဓေါ စ ပစ္စည်းကိုမင် လူကိုခင်လျှက် ကြင်နာသမှု ပြုစုရက်ရော
မရှက်နှောသဖြင့်
မက်မောတွယ်တာခြင်း
ကင်းသည်လည်း အဿ ဖြစ်ရာ၏။
၅။ န စ ခုဒ္ဒ မာစရေ ကိဥ္စိ
ယေန ဝိညူ ပရေ ဥပဝဒေယျုံ၊
သုခိနောဝ ခေမိနော ဟောန္တု၊
သဗ္ဗသတ္တာ ဘဝန္တု သုခိတတ္တာ။
" ရှောင်ရန်အကျင့် ( ၁ ) ပါး နှင့်
မေတ္တာပွားနည်း "
ယေန အကြင် ဒုစရိုက်မှု
မကောင်းပြုခြင်းကြောင့်
ပရေ တပါးကုန်သော
ဝိညူဟိ ထင်စွာမြင်သိ ပညာရှိတို့သည်
ဥပဝဒေယျုံ ဤသို့ဤသူ ပြုသောဟူ၍
လူရှင်အပေါင်း မကြားတောင်းလျက်
အကြောင်းထင်စွာ ကဲ့ရဲ့ကြကုန်ရာ၏။
တံ ထိုဒုစရိုက်စု မကောင်းမှုကို
ကိဉ္စိ စိုးစဉ်းသော
ခုဒ္ဒံ အနည်းငယ်မျှကိုသော်လည်း
န စ အာစရေ မပြုမကျင့်ရာ။
သဗ္ဗသတ္တာ ခပ်သိမ်းဥဿုံ
အလုံးစုံသော
သတ္တဝါတို့သည်
သုခိနောဝါ ကိုယ်လက်ခံ့ကျန်း
ချမ်းသာခြင်းနှင့်
ပြည့်စုံကုန်သည်လည်းကောင်း၊
ခေမိနော ဝါ အန္တရာယ်ခပ်သိမ်း
ကင်းငြိမ်းစွာဘိ
ဘေးဥပဒ်မရှိကုန်သည် လည်းကောင်း
ဟောန္တု ဖြစ်ပါစေကုန်သတည်း။
သုခိတတ္တာ ကျန်းမာပကတိ
ချမ်းသာလျက် ရှိကြသဖြင့်
မိမိကိုယ်ကို လိုရာပြည့်စုံ
ဆောင်နိုင်ကုန်သည်
ဘဝန္တု ဖြစ်ပါစေကုန်သတည်း။
၆။ ယေ ကေစိ ပါဏဘူတတ္ထိ
တသာဝါ ထာဝရာဝ နဝသေသာ၊
ဒီဃာ ဝါ ယေဝ မဟန္တာ
မဇ္ဈိမာ ရဿကာ အဏုကထူလာ။
၇။ ဒိဋ္ဌာ ဝါ ယေဝ အဒိဋ္ဌာ
ယေဝ ဒူရေ ဝသန္တိ အဝိဒူရေ၊
ဘူတာဝ သမ္ဘဝေသီဝ
သဗ္ဗသတ္တာ ဘဝန္တု သုခိတတ္တာ။
" မေတ္တာပွားပုံ အကျယ် "
ယေကေစိ ခပ်သိမ်းဥဿုံ
အလုံးစုံကုန်သော
ပါဏဘူတာ ငါးပါး လေးပါး
တစ်ပါးခန္ဓာ ရရှိသော သတ္တဝါတို့သည်
အတ္ထိသန္တိ ရှိကုန်၏။
ဣမေပိသဗ္ဗသတ္တာ ဤ ခပ်သိမ်းကုန်သော သတ္တဝါတို့သည်လည်း
သုခိတတ္တာ ကျန်းမာပကတိ
ချမ်းသာလျက် ရှိကြသဖြင့်
မိမိကိုယ်ကို လိုရာပြည့်စုံ
ဆောင်နိုင်ကုန်သည်
ဘဝန္တု ဖြစ်ပါစေကုန်သတည်း။
အနဝသေသာ အနည်းငယ် စိုးစဉ်းမျှ
အကြွင်းအကျန် မရှိကုန်သော
ယေ တသာ ဝါ
အကြင် လောဘ ဒေါသ မောဟ စိတ်နှံ့
အဆိပ်ပျံ့သဖြင့်
ထိတ်လန့်တုန်လှုပ်ခြင်းကို ပြုတတ်သော
ပုထုဇဉ်သေက္ခ
ပုဂ္ဂိုလ်တို့သည်လည်းကောင်း
ယေ ထာဝရာ ဝါ
အကြင် လောဘ ဒေါသ မောဟ စိတ်နှံ့
အဆိပ်မပျံ့သဖြင့်
ထိတ်လန့်တုန်လှုပ်ခြင်းအလျင်းမရှိ
ပကတိသာ တည်နိုင်စွာသော
ရဟန္တာသခင်
အရှင်မြတ်တို့သည်လည်းကောင်း
ယေ ဒီဃာ ဝါ
အကြင် ကိုယ်ရှည်လျားသော
မြွေနဂါးစသော
သတ္တဝါတို့သည်လည်းကောင်း။
ယေ မဟန္တာ ဝါ
အကြင် ကိုယ်ကြီးမားသော
ငါး လိပ်စသော ရေသတ္တဝါ
ဆင်အစရှိသော ကုန်းသတ္တဝါ
နတ်ပြည်၌ အသူရာတို့သည်လည်းကောင်း။
ယေ မဇ္ဈိမ ဝါ
အကြင် ကိုယ်အလတ်စားရှိသော
ကျွဲ နွား စသော
သတ္တဝါတို့သည်လည်းကောင်း။
ယေ ရဿကာ ဝါ
အကြင် ကိုယ်အင်္ဂါပေါင်း
တိုတောင်းလှစွာ ကြက် ငှက် စသော
သတ္တဝါတို့သည် လည်းကောင်း။
ယေ အဏုကာ ဝါ
အကြင် မံသစက္ခုဖြင့် မမြင်စကောင်း
ဒိဗ္ဗစက္ခုဖြင့်သာ မြင်စကောင်းသော
ငယ်ငေါင်းသိမ်ဖျင်း ရုပ်ဆင်းမပြီ
ကြုံလှီလှစွာ ပိုးရွစသော
သတ္တဝါတို့သည် လည်းကောင်း။
ယေ ထူလာ ဝါ
အကြင် အဆီပွားတိုး
ဆူဖြိုးလှစွာ ဝက်စသော
သတ္တဝါတို့သည်လည်းကောင်း။
ယေ ဒိဋ္ဌာ ဝါ
အကြင်မြင်အပ်မြင်ဖူး
အထူးထူးသော
သတ္တဝါတို့သည်လည်းကောင်း
ယေ အဒိဋ္ဌာ ဝါ
အကြင် မမြင်အပ် မမြင်ဖူး
အထူးထူးသော
သတ္တဝါတို့သည်လည်းကောင်း။
ဒူရေ တစ်ရပ်တစ်ကျေး တစ်နယ်ဝေး၌
ဝသန္တီ နေထိုင်ကြကုန်သော
ယေ သတ္တဝါ
အကြင် သတ္တဝါတို့သည်လည်းကောင်း။
အဝိဒူရေ အနီးအပါး ကိုယ့်အနား၌
ဝသန္တီ နေထိုင်ကြကုန်သော
ယေ သတ္တဝါ
အကြင် သတ္တဝါတို့သည်လည်းကောင်း။
ယေဘူတာဝါ အကြင်ဘဝခေတ်၌
ဖြစ်ပြီးသော ရဟန္တာ
အရှင်မြတ်တို့သည်လည်းကောင်း။
ယေ သမ္ဘဝေသီ ဝါ
အကြင်ဘဝခေတ်၌ ဖြစ်ရဦးမည့် ပုထုဇဉ်
သေက္ခပုဂ္ဂိုလ်တို့သည်လည်းကောင်း။
ဣမေပိ သဗ္ဗသတ္တာ ဤ အလုံးစုံ
ဆုံးမကုန်နိုင်သော ဘုံဩကာသ
သတ္တဝါအနန္တတို့သည်လည်း
သုခိတတ္တာ ပူပန်သောက မရောက်ကြဘဲ
သုခမင်္ဂလာ စိတ်နှလုံး ချမ်းသာကြကုန်သည်
ဘဝန္တု ဖြစ်ပါစေကုန်သတည်း။
၈။ န ပရော ပရံ နိကုဗ္ဗေထ
နတိမညေထ ကတ္ထစိ န ကိဉ္စိ၊
ဗျာရောသနာ ပဋိဃသည
နာညမညဿ ဒုက္ခ မိစ္ဆေယျ။
" မေတ္တာပို့ပုံ တမျိုး "
ပရော တပါးသောသူသည်
ပရံ တပါးသောသူကို
နနိကုပ္ပေထ ရန်မီးစနက် မာန်ကြီးတက်၍
အမျက်ပွားကာ မထွက်မှားပါစေသတည်း။
ကတ္ထစိ တစ်စုံတစ်ခုသော အမှုကိစ္စ
တစ်စုံတစ်ခုသော အရာဌာန၌မှာမှ
နံ ထို သူတစ်ပါးကို
ကိဉ္စိ စိုးစဉ်းမတ္တ အနည်းငယ်မျှမှ
ဗျာရောသနာ လွန်စွာဆင်းရဲအောင်
ညှဉ်းဆဲ ချုပ်ချယ်လိုသော
ကိုယ်နှုတ်ဖြင့်လည်းကောင်း၊
ပဋိဃသညာ ခိုက်ရန်တိုးပွား
အငြိုးထားသော စိတ်ဖြင့်လည်းကောင်း
နာတိမညေထ လေးမြတ်ထိုက်သူ
မဟုတ်ဟူ၍ မကြည်ဖြူ
မရိုသေ မထီမဲ့မြင် မပြုပါစေသတည်း၊
အညမညဿ ရောထွေးရှက်တင်
ထွက်ဝင်ပေါင်းသင်း အချင်းချင်း၏
ဒုက္ခံ ဆင်းရဲဒုက္ခ ရောက်ရမည်ကို
န ဣစ္ဆေယျ အလိုမရှိပါစေသတည်း။
၉။ မာတာ ယထာ နိယံပုတ္တ
မာယုသာ ဧကပုတ္တ မနုရက္ခေ၊
ဧဝမ္ပိ သဗ္ဗဘူတေသု ၊
မာနသံ ဘာဝယေ အ ပရိမာဏံ။
" မိခင်ပမာ မေတ္တာထား "
မာတာ သမီးသား၌ ကြီးထွားစေလို
ဘထက်ပို၍ ဗြဟ္မစိုရ်စုံ
နဂိုထုံလေ့ရှိသော
ဂုဏ်ကျေးဇူးရှင် မွေးမိခင်သည်
နိယံပုတ္တံ မိမိရင်၌ဖြစ်သော
ဧကပုတ္တံ အရေကိုလွှား အသားကိုခွဲ
အရိုးစွဲအောင်
မြဲမြံလှစွာ ကရုဏာနှင့်
မေတ္တာဗလဝ ချစ်ပါလှသော
ဖွားစနုနယ် တယောက်တည်းသော
သားသူငယ်ကို အာယုသာ
ဇီဝိန္ဒြေ တည်ငြိမ်စေလိုသောကြောင့်
အနုရက္ခေယထာ ပိုက်ပိုက်ထွေးထွေး
နို့ချိုကျွေး၍ မအေးစေရ မပူရဘဲ
နေ့ညမခြား ရင်ဝယ်ထား၍
လူလားမြောက်အောင်
ကြံဆောင်အထွေထွေ
စောင့်ရှောက်လေသကဲ့သို့
ဧဝမ္ပိတထာ ထို ရင်ဝယ်မွေးဖွား
တယောက်သားကို သနားကြည်ဖြူ
စောင့်ရှောက်သော အတူသာလျှင်
သဗ္ဗဘူတေသု ခပ်သိမ်းဥဿုံ
အလုံးစုံကုန်သောသတ္တဝါတို့၌
အပရိမာဏံ သတ္တဝါနေရပ်
အမှတ်အပိုင်း အတိုင်းအရှည်မရှိသော
မာနသံ ကပ္ပဌာယိံ မတိမ်ကောနိုင်
နောတတ်အိုင်မှ ပြွန်ဆိုင်ဖြီးထွေ
စီးသောရေကဲ့သို့
တတွေတွေ ယိုစီးသော မေတ္တာစိတ်ကို
ဘာဝယေ ဘာဝေယျ
အဖန်တလဲလဲ အမြဲနိစ္စံ
နေ့ညမကွာ ပွားစေရာ၏။
၁၀။ မေတ္တဉ္စ သဗ္ဗလောကသ္မိ၊
မာနသံ ဘာဝယေ အ ပရိမာဏံ၊
ဥဒ္ဓံ အဓော စ တိရိယဉ္စ
အသမ္ဗာဓံ အဝေရ မ သပတ္တံ။
" မေတ္တာကို နှံ့အောင်ပွါးပုံ "
ဥဒ္ဓံ အထက်ကိုမူ ဘဝဂ်ဟူသော
အရူပလေးဘုံ၌လည်းကောင်း၊
အဓောစ အဝီစိမှ
လျောက်ကာပြအပ်သော
အောက်ကာမ
တဆယ့်တဘုံ၌လည်းကောင်း။
တိရိယဉ္စ ဖီလာရပ်သူ အလယ်ဟူသော
ရူပ တဆယ့်ခြောက်ဘုံ၌လည်းကောင်း၊
သဗ္ဗလောကသ္မိံ အကျဉ်းအားဖြင့်သုံးပါး
အကျယ်အားဖြင့် သုံးဆယ့်တဘုံ
အလုံးစုံသော လောက၌
အသမ္ဗာဓံ ပိုင်းခြားလွတ်ကင်း
ကျယ်ဝန်းစွာတောင်း
မကျဉ်းမြောင်းသော၊
အဝေရံ အဇ္ဈတ္တဘေးဒဏ်
ကိုယ်တွင်းရန်မရှိသော
အသပတ္တံ ဗဟိဒ္ဓဘေးဒဏ် အပရန်မရှိသော
အပရိမာဏံ သတ္တဝါနေရပ်
အမှတ်အပိုင်း အတိုင်းအရှည်မရှိသော၊
မေတ္တံ ဒေါသရစ်မြှေး
ညစ်ကြေးမတင် ပြစ်ကင်းစင်သဖြင့်
ချစ်ခင်လေးမြတ်သော သဘောရှိသော၊
မာနသံ ကပ္ပဋ္ဌာယိံ မတိမ်ကောနိုင်
နောတတ်အိုင်မှ ပြွန်ဆိုင်ဖြီးထွေ
စီးသောရေကဲ့သို့
တတွေတွေယိုစီးသော မေတ္တာစိတ်ကို
ဘာဝယေ ဘာဝေယျ
အဖန်တလဲလဲ
အမြဲမကွာ ပွါးများရာ၏။
၁၁။ တိဋ္ဌံ စရံ နိသိန္နော ဝ
သယာနော ယာဝတာဿ ဝိတမိဒ္ဓေါ၊
ဧတံ သတိံ အဓိဋ္ဌေယျ
ဗြဟ္မ မေတံ ဝိဟာရ မိဓ မာဟု။
"လျောင်း,ထိုင်,ရပ်,သွား မေတ္တာပွားနိုင်ပုံ"
တိဋ္ဌံ တိဋ္ဌန္တော ဝါ ရပ်သော်လည်းကောင်း
စရံ စရန္တောဝါ သွားသော်လည်းကောင်း
နိသိန္နော ဝါ ထိုင်နေသော်လည်းကောင်း
သယာနော ဝါ လျောင်းသော်လည်းကောင်း
ယာဝတာ အကြင်မျှလောက်သော
ကာလပတ်လုံး ဝိဂတ မိဒ္ဓေါ
ကိုယ်စိတ်ကြည်လင်
အိပ်ချင် ငိုက်မျဉ်းခြင်းမှ ကင်းသည်
အဿ ဟောတိ ဖြစ်၏။
တာဝတာ ထိုမျှလောက်သော
ကာလပတ်လုံး ဧတံ သတိံ
ထို မေတ္တာနှင့်ယှဉ်သောသတိကို
အဓိဋ္ဌေယျ အမြဲမကွာ
ဆောက်တည်ရာ၏
ဣဓ ဤသာသနာတော်၌
ဧတံဝိဟာရံ ထို လေးပါးဣရိယာ
ပုထ်တိုင်းမှာပင် မေတ္တာကမ္မဋ္ဌာန်း
စီးဖြန်းကြရင်း နေထိုင်ခြင်းကို
ဗြဟ္မံ သူကျိုးကိုယ်ကျိုး
တိုးပွားစေတတ် လွန်ထူးမြတ်သော
ဝိဟာရံ နေခြင်းဟူ၍
ဗုဒ္ဓါ ဘုရားရှင်တို့သည်
အာဟု ချီးမွမ်းစကား
ဟောကြားတော်မူကြလေကုန်ပြီ။
၁၂။ ဒိဋ္ဌိဉ္စ အနုပဂ္ဂမ္မ
သီလဝါ ဒဿနေန သမ္ပန္နော၊
ကာမေသု ဝိနေယျ ဂေဓံ
န ဟိ ဇာတုဂ္ဂဗ္ဘသေယျ ပုနရေတိ။
" မေတ္တာဈာန်မှ မဂ်ဖိုလ်သို့ကူးပုံ "
သော ထို မေတ္တာကမ္မဋ္ဌာန်း
စီးဖြန်းရှေးရှု နေထိုင်သောသူသည်
ဒိဋ္ဌိံ စ အပါယ်ဘုံတွင်း
နယ်ကုန်ဆင်းလတ္တံ့သော
မှားယွင်းဖောက်ပြန်သည့် အယူသို့လည်း
အနုပဂ္ဂမ္မ မကပ်မရောက်မူ၍
သီလဝါ လောကီသီလ
တည်ကြည်ရသည်ထက်
တည်ပစွာဘိ ထူးမြတ်စင်ကြယ်သော လောကုတ္တရာသီလ ရှိသည်ဖြစ်၍
ဒဿနေန မဖေါက်မပြန်
သိမြင်တတ်သော မဂ်ဉာဏ်နှင့်
သမ္ပန္နော ပြည့်စုံလျက်
ကာမေသု ဘုံသုံးပါးလုံး ပျက်ဆုံးဖြစ်မှု
သင်္ခါရအစုတည်းဟူသော
ဝတ္ထုကာမတို့၌ ( ဝါ )
ဘောဂသမ္ပတ္တိ ဘဝသမ္ပတ္တိ
ရရှိသမျှ နှစ်သက်ခြင်း
ပြုအပ်သော ဝတ္ထုကာမတို့၌
ဂေဓံ ကာမစ္ဆန္ဒ ကိလေသ ကာမဖြင့်
တောင့်တမက်မော
တွယ်တာခြင်းသဘောကို
ဝိနေယျ ပယ်ဖျောက်၍
ဇာတု အကယ်မလွဲ အမြဲဧကန်
အမှန်စင်စစ်အားဖြင့်
ပုန တုံ့ခေါက်တဖန်
ဂဗ္ဘသေယျံ အမိဝမ်းခေါင်း
လွန်ကျဉ်းမြောင်းရာ၌
ပျောင်းတခွေခွေ ပဋိသန္ဓေနေခြင်းသို့
နဟိဧတိ ဧကန်စင်စစ်
မရောက်ရပေလတ္တံ့။
မေတ္တသုတ္တံ အိပ် နိုး ချမ်းသာ
ယုတ်မာမမက် နှစ်သက် လူ နတ်
စောင့်မှတ်နတ်များ ဆိပ်ကားမနှံ့
စိတ်ပျံ့တည်ကြည် လှသည်မျက်နှာ
သေဗြဟ္မာဟု ဆယ့်တဖြာစစ်
ကောင်းကျိုးကို ဖြစ်စေတတ်သော
မေတ္တသုတ် ပရိတ်တော်သည်
နိဋ္ဌိတံ ပြီးပြည့်စုံလေပြီ ။
No comments:
Post a Comment